चालु आर्थिक वर्षको पहिलो त्रैमासमा अपि पावर Api Power Company को खुद नाफा १९५ प्रतिशतले बढेको छ। अघिल्लो आर्थिक वर्षको यसै अवधिमा ३ करोड ५९ लाख नाफा कम्पनीको खुद नाफा चालु आर्थिक वर्षको पहिलो त्रैमासमा बढेर १० करोड ६४ लाख पुगेको हो ।
त्यस्तै कम्पनीको विद्युत बिक्रिको आम्दानी १२१ प्रतिशतले बढेर १४ करोड १२ लाख पुगेको छ । त्यस्तै अन्य आम्दानी पनि २ लाख ९ हजारबाट बढेर ६ करोड १७ लाख पुगेको छ । हाल कम्पनीको चुक्ता पुँजी १ अर्ब १९ करोड रहेको छ भने रिजर्भमा २८ करोड ९२ लाख रहेको छ ।
कम्पनीले ८.५ मेगावाटको नौगाड गड आयोजना र ८ मेगावाटको अपर नौगाड आयोजनाको निम्रना सम्पन्न भई विद्युत उत्पादन थाली सकेको जनाएको छ । कम्पनीले ४० मेगावाटको अपर चमेलिया जलविद्युत आयोजना, ८ मेगावाटको परवानीपुर सोलार आयोजना, ४ मेगावाटको चन्द्रनिगापुर सोलार आयोजना, १ मेगावाटको सीमार सोलार आयोजना र १ मेगावाटको ढल्केवर सोलार आयोजनाको विद्युत बिक्रि सम्झौता गरी निर्माण कार्य अगाडी बढाएको जनाएको छ ।
यस अवधिमा कम्पनीको प्रति शेयर आम्दानी ३५.७४ रुपैयाँ र प्रति शेयर नेटवर्थ १२४.३० रुपैयाँ रहेको छ । कम्पनीको दीर्घकालीन ऋण १ अर्ब ७२ करोड २८ लाख रहेको छ ।