चालु आर्थिक वर्षको पहिलो त्रैमासमा हिमालयन बैंक Himalayan Bank Limited को खुद नाफा ४४.४१ प्रतिशतले घटेको छ । अघिल्लो आर्थिक वर्षको पहिलो त्रैमासमा ६९ करोड ४२ लाख खुद नाफा कमाएको बैंकले चालु आर्थिक वर्षको पहिलो त्रैमासमा ३८ करोड ५९ लाख खुद नाफा कमाएको हो ।
कम्पनीको संचालन मुनाफा पनि ४७.७१ प्रतिशतले घटेर ५१ करोड ७५ लाख कायम भएको छ । यस अवधिमा बैंकको वितरणयोग्य मुनाफा ६२ लाख ६२ हजार रहेको छ ।
बैंकको निक्षेप १ खर्ब २८ अर्ब रहेको छ भने कर्जा प्रवाह ९९ अर्ब ३८ करोड रहेको छ । बैंकको खुद ब्याज आम्दानी २८.८१ प्रतिशतले घटेर ९३ करोड ८९ लाख कायम भएको छ । ९ अर्ब ३७ करोड चुक्ता पुँजी रहेको बैंकको रिजर्भमा ८ अर्ब ५८ करोड रहेको छ ।
बैंकको प्रति शेयर आम्दानी १६.४७ रुपैयाँ, प्रति शेयर नेटवर्थ १९१.५९ रुपैयाँ, बेस रेट ७.१६ प्रतिशत, कोषको लागत ५.०९ प्रतिशत, सिसिडि ६४.९७ प्रतिशत, र पुँजी पर्याप्तता अनुपात १५.१२ प्रतिशत रहेको छ ।
