.gif)
मिर्मिरे लघुवित्तले लाभांश घोषणा गर्दा उल्लेख गरेको चुक्ता पुँजी र वित्तीय विवरणमा प्रकाशित गरेको चुक्ता पुँजी फरक फरक भएपछि लगानीकर्ता अलमलमा परेका छन् ।
कम्पनीको कार्तिक २६ गते बसेको संचालक समितिको बैठकले हाल कायम चुक्ता पुँजीको १२ प्रतिशत बोनस र कर प्रयोजनको लागि ०.६३०२३३६६ प्रतिशत नगद लाभांश वितरण गर्ने उल्लेख गरेको छ । कम्पनीले हालको चुक्ता पुँजी ३९ करोड ६१ लाख ४६ हजार ६ सय ४१ रुपैयाँ ५० पैसा रहेको र त्यस चुक्ता पुँजीको १२ प्रतिशतको दरले हुन आउने ४ करोड ७५ लाख ३७ हजार ६ सय ४६ रुपैयाँ बराबरको बोनस शेयर वितरण गर्ने उल्लेख गरेको छ ।
तर कम्पनीले २६ गते नै सार्वजिनक गरेको चालु आर्थिक वर्षको पहिलो त्रैमासको बित्तिय विवरणमा कम्पनीले आफ्नो चुक्ता पुँजी ४० करोड २३ लाख ५२ हजार उल्लेख गरेको छ । यसो हुँदा कम्पनीको वास्तविक चुक्ता पुँजी कुन हो भन्नेमा लगानीकर्ता अलमल परेका छन् । साथै घोषणा भएको भन्दा कम लाभांश आउने हो कि भन्ने पनि लगानीकर्ताको चिन्ता छ ।
कम्पनीका कम्पनी सचिव तुलसीराम पाठक भने कम्पनीको चुक्ता पुँजी ३९ करोड ६१ लाख नै रहेको र नियामकको स्वीकृति तथा साधारणसभाले पारित गरेपछि लगानीकर्ताले यहि पुँजीको २० प्रतिशतको दरले बोनस पाउने बताउछन् । कल इन एडभान्स र एफपिओबाट प्राप्त हुने रकमलाई पनि पुँजीमा जोडिएकोले चुक्ता पुँजी ४० करोड २३ लाख राखिएको उनले बताए । उनले दोस्रो त्रैमासको वित्तीय विवरण आउँदा यसलाई समायोजन गरेर प्रकाशित गरिने बताए। अहिले भने ३९ करोड ६१ लाख ४६ हजार ६ सय ४१ रुपैयाँ ५० पैसाको १२ प्रतिशतको दरले हुन आउने ४ करोड ७५ लाख ३७ हजार ६ सय ४६ रुपैयाँ बराबरको बोनस शेयर वितरणगरिने उनले बताए।
