नेपाल स्टक एक्सचेन्ज नेप्सेमा आरएमडीसी लघुवित्त RMDC Laghubitta Bittiya Sanstha को शेयर मूल्य समायोजन भएको छ । कम्पनीको १५ प्रतिशत बोनसमा मूल्य समायोजन भएको हो ।
समायोजनपछि कम्पनीको शेयर मूल्य ८६१ कायम भएको छ । समायोजनअघि कम्पनीको शेयर मूल्य ९९० थियो ।
कम्पनीले साधारणसभाको लागि मङ्सिर ८ देखि मङ्सिर २२ गतेसम्म बुक क्लोज गर्ने निर्णय गरेकोले बुक क्लोज संगै मूल्य समायोजन भएको हो । मङ्सिर ७ गतेसम्म कायम शेयरधनीले मात्र साधारणसभामा भाग लिन र प्रस्तावित लाभांश पाउन सक्ने छन् ।
कम्पनीले मङ्सिर २२ गते सभा आह्वान गरेको छ । कम्पनीले आर्थिक वर्ष ७५/७६ को मुनाफाबाट हाल कायम चुक्ता पुँजीको १५ प्रतिशत बोनस शेयर र कर प्रयोजनको लागि समेत ५ प्रतिशत नगद लाभांश गरि कुल २० प्रतिशत लाभांश प्रस्ताव गरेको छ । कम्पनीको साधारणसभाले पारित गरेपछि कम्पनीले प्रस्ताव गरेको लाभांश लगानीकर्तामा वितरण हुने छ ।
हाल कम्पनीको चुक्ता पुँजी ८९ करोड ९३ लाख २३ हजार ४ सय २५ रहेको छ ।