.gif)
नेपाल स्टक एक्सचेन्ज नेप्सेमा एनआईसी एशिया बैंक NIC Asia Bank Limited को शेयर मूल्य समायोजन भएको छ । बैंकको १९ प्रतिशत बोनसमा शेयर मूल्य समायोजन भएको हो ।
समायोजनपछि बैंकको शेयर मूल्य प्रति कित्ता ५८६ कायम भएको छ । समायोजना अघिको बैंकको शेयरको अन्तिम मूल्य प्रति कित्ता ६९७ थियो ।
बैंकले साधारणसभा प्रयोजनको लागि मङ्सिर १० गतेदेखि २१ गतेसम्म बुक क्लोज गर्ने निर्णय गरेकोले आज मूल्य समायोजन भएको हो । मङ्सिर ९ गतेसम्म कायम शेयरधनीले मात्र साधारणसभामा भाग लिन र प्रस्तावित लाभांश पाउन सक्ने छन् ।
बैंकले मङ्सिर २१ गते आइतबार बिहान ९ बजेको लागि साधारणसभा आह्वान गरेको छ । बैंकले आर्थिक बर्ष ७६/७७ बाट १९ प्रतिशत बोनश शेयर र १ प्रतिशत नगद लाभांश गरी कुल २० प्रतिशत लाभांश वितरण गर्ने प्रस्ताव गरेको छ । बैंकले १९ प्रतिशतले हुन आउने १ अर्ब ८४ करोड ६३ लाख बराबरको बोनस शेयर र १ प्रतिशतले हुन आउने ९ करोड ७२ लाख बराबरको नगद लाभांश गरी कुल १ अर्ब ९४ करोड ३५ लाख लाभांश वितरण गर्ने प्रस्ताव गरेको हो ।
साधारण सभाले पारित गरेपछि उक्त लाभांश शेयरधनीमा वितरण हुने छ ।
