बिहिबार शेयर बजारमा २ घण्टा मै सवा ४ अर्ब बढीको कारोबार भएको छ । बिहिबार १ बजेसम्ममा नेपाल स्टक एक्सचेन्ज नेप्सेमा ४ अर्ब ३२ करोड ९० लाख ४८ हजार ४ सय ३८ रुपैयाँको कारोबार भएको हो ।
यस अवधिसम्म १९१ कम्पनीका ९० लाख ३६ हजार ४७ कित्ता शेयर कारोबार भएको छ । १ बजेसम्म नेप्से सूचक ३१.०६ अंकले बढेर १९०५.८७ को बिन्दुमा पुगेको छ । यो हालसम्म कै उच्च बिन्दु हो । यस अघि सन् २०१६ जुलाई २७ मा नेप्से सूचक १८८१.४५ को बिन्दुमा पुगेको थियो । सो रेकर्ड आज तोडिएको हो ।