नेशनल लाइफ इन्स्योरेन्स National Life Insurance Company ले नयाँ लाभांश प्रस्ताव गरेको छ। कम्पनीले यस अघि गरेको लाभांश वितरण प्रस्ताव बीमा समितिले स्वीकृत नगरेपछि कम्पनीले आर्थिक वर्ष ७५/७६ को मुनाफाबाट वितरण गर्ने नयाँ लाभांश प्रस्ताव गरेको हो ।
जस अनुसार कम्पनीले १० प्रतिशत बोनस शेयर र ०.५३ प्रतिशत नगद लाभांश गरि कुल १०.५३ प्रतिशत लाभांश वितरणको लागि प्रस्ताव गरेको छ । कम्पनीको उक्त प्रस्ताव बीमा समितिले स्वीकृति दिएपछि र कम्पनीको आगामी साधारणसभाले पारित गरेपछि लगानीकर्तामा बितरण हुने छ ।
यस अघि कम्पनीले २.५ प्रतिशत बोनस शेयर र १५ प्रतिशत नगद लाभांश गरी कुल १७.५ प्रतिशत लाभांश घोषणा गरेको थियो । कम्पनीले कर प्रयोजनको लागि लाग्ने रकमको लागि ०.१३ प्रतिशत रकम नगद लाभांश बाट समायोजन गर्ने प्रस्ताव गरेको थियो । तर बीमा समितिले यो प्रस्ताव अस्वीकृत गरेपछि कम्पनीले लाभांश प्रस्ताव परिमार्जन गरेको हो ।