नेपाल स्टक एक्सचेन्ज नेप्सेमा महुली लघुवित्तको शेयर सुचिकृत भएको छ। नव किरण लघुवित्तसँगको मर्जर प्रक्रिया सकिई महुली लघुवित्तको नामबाट एकिकित कारोबार सुरु भएपछि कम्पनीको ६ लाख ४२ हजार २ सय कित्ता शेयर सुचिकृत भएको हो ।
थप शेयर सुचिकृत भएसंगै कम्पनीको शेयर संख्या १८ लाख ६६ हजार २ सय पुगेको छ । शेयर सुचिकृत भएसंगै आइतबारबाट महुली लघुवित्तको शेयर कारोबार खुला हुने छ ।
१००:९५ को स्वापमा यी दुई संस्था मर्ज भएका हुन् । मर्जरपछि बन्ने संस्थाको नाम, लोगो, स्लोगन र केन्द्रीय कार्यालय महुली लघुवित्तको हाल कायम रहे बमोजिम को रहेको छ । नव किरणको हालको कार्यालय रहेको धुलिखेललाई ३ नम्बर प्रदेशको कार्यालयको रुपमा राखिएको छ ।