ग्लोबल आईएमई क्यापिटल र एनआईबिएल एस क्यापिटलले नयाँ सामुहिक लगानी कोष संचालनको लागि नेपाल धितोपत्र बोर्डसँग अनुमति माग गरेका छन् । दुवै क्यापिटलले मङ्सिर २४ गते बोर्डमा आवेदन दिएका हुन् ।
ग्लोबल आइएमई क्यापिटलले ग्लोबल आईएमई म्युचुअल फण्ड अन्तर्गत संचालन हुने गरि ग्लोबल आईएमई ब्यालेन्स फण्ड १ निष्काशनको लागि अनुमति माग गरेको हो । यस योजना अन्तर्गत क्यापिटलले प्रति इकाई १० रुपैयाँका दरले १ अर्ब २० करोड बराबरको १२ करोड इकाई निष्काशन गर्ने छ ।
त्यस्तै एनआईबिएल एस क्यापिटलले एनआईबिएल म्युचुअल फण्ड अन्तर्गत संचालन हुने गरि एनआईबिएल सम्वृद्धि फण्ड २ निष्काशनको लागि अनुमति माग गरेको हो । यस योजना अन्तर्गत क्यापिटलले प्रति इकाई १० रुपैयाँका दरले १ अर्ब २० करोड बराबरको १२ करोड इकाई निष्काशन गर्ने छ ।
बोर्डबाट अनुमति पाएपछि दुवै क्यापिटलले योजनाको इकाई निष्काशन गर्ने छन् ।