छ्याङदी हाइड्रो Chhyangdi Hydropower Company ले लाभांश घोषणा गरेको छ । कम्पनीको मङ्सिर ३० गते बसेको संचालक समितिको बैठकले आर्थिक वर्ष ७६/७७ सम्मको मुनाफाबाट वितरण गर्ने लाभांश प्रस्ताव गरेको हो ।
जस अनुसार कम्पनीले ५ प्रतिशत बोनस शेयर र कर प्रयोजनको लागि ०.२६ प्रतिशत नगद गरि कुल ५.२६ प्रतिशत लाभांश बितरण गर्ने प्रस्ताव गरेको हो । साधारणसभाले पारित गरेपछि लगानीकर्तामा उक्त लाभांश बितरण हुने छ ।
त्यस्तै कम्पनीले हकप्रद बितरणको प्रस्ताव समेत गरेको छ । कम्पनीले लाभांश वितरण पश्चात कायम चुक्ता पुँजीको ३० प्रतिशत हकप्रद निष्काशन गर्ने प्रस्ताव गरेको हो ।
कम्पनीले पुस २७ गते साधारणसभा आह्वान गरेको छ । सभा प्रयोजनको लागि कम्पनीले पुस १७ गते बुक क्लोज गर्ने निर्णय गरेको छ । पुस १६ गतेसम्म कायम शेयरधनीले मात्र सभामा भाग लिन र लाभांश पाउन सक्ने छन् ।