गुडविल फाईनान्स Goodwill Finance Company ले लाभांश घोषणा गरेको छ। कम्पनीको आज बिहान बसेको संचालक समितिको बैठकले आर्थिक वर्ष ७६/७७ को मुनाफाबाट वितरण हुने लाभांश प्रस्ताव गरेको हो ।
जस अनुसार फाइनान्सले ८.४ प्रतिशत बोनस शेयर र कर प्रयोजनको लागि समेत गरि ३.६ प्रतिशत नगद गरि कुल १२ प्रतिशत लाभांश वितरण गर्ने प्रस्ताव गरेको हो । कम्पनीको उक्त प्रस्ताव नेपाल राष्ट्र बैंकले स्वीकृति दिएपछि र कम्पनीको आगामी साधारणसभाले पारित गरेपछि लगानीकर्तामा बितरण हुने छ ।
कम्पनीले पुस २९ गते सभा आह्वान गरेको छ भने सभा प्रयोजनको लागि पुस १७ देखि २९ गतेसम्म बुक क्लोज गर्ने निर्णय गरेको छ । पुस १६ गतेसम्म कायम शेयरधनीले मात्र सभामा भाग लिन र प्रस्तावित लाभांश पाउन सक्ने छन् ।
