प्राइम कमर्शियल बैंक Prime Commercial Bank Limited ले लाभांश घोषणा गरेको छ । बैंकको सोमबार बिहान बसेको संचालक समितिको बैठकले चालु आर्थिक वर्ष ७६/७७ को मुनाफाबाट वितरण गर्ने लाभांश प्रस्ताव गरेको हो ।
जस अनुसार बैंकले हाल कायम चुक्ता पूँजीको १५ प्रतिशत बोनस शेयर वितरण गर्ने प्रस्ताव गरेको हो । बैंकको उक्त प्रस्ताव नेपाल राष्ट्र बैंकले स्वीकृति दिएपछि र बैंकको आगामी साधारणसभाले पारित गरेपछि लगानीकर्तामा वितरण हुने छ ।
बैंकले हालै कैलाश विकास बैंकलाई प्राप्ति गरेकोले बोनसमा लाग्ने कर तिर्नु नपर्ने भएकोले बैंकले नगद लाभांश घोषणा गरेको छैन । हाल बैंकको चुक्ता पूँजी १३ अर्ब ९८ करोड ५२ लाख ४९ हजार ५०४ रुपैयाँ रुपैयाँ छ ।
