अपि पावर कम्पनी Api Power Company ले लिलाममा ल्याएको शेयरमा आवेदन दिने आज पुस १३ गते अन्तिम दिन रहेको छ । कम्पनीले पुस ६ गतेदेखि हकप्रदमा अवितरित १३ लाख कित्ता बढी शेयर लिलाममा ल्याएको हो ।
कम्पनीले हकप्रदमा बिक्रि नभएको सर्बसाधारण समुहको १३ लाख ४६ हजार २ सय १८ कित्ता लिलाम गरेको हो । शेयर लिलाम प्रक्रियाको लागि सिद्धार्थ क्यापिटल बिक्रि प्रबन्धक रहेको छ । इच्छुक आवेदकले सिद्धार्थ क्यापिटलको कार्यालय नक्साल र सिद्धार्थ बैंकको शाखाहरु बिराटनगर, बिर्तामोड, बिरगंज, जनकपुर, नारायणगढ, हेटौडा, पोखरा, बाग्लुंग, बुटवल, घोराही, नेपालगंज, सुर्खेत, धनगढी र महेन्द्रनगर शाखाबाट आवेदन दिन सक्ने छन् ।
आयोजनामा हिमालन बैंक लिमिटेडको अगुवाइमा कर्मचारी सञ्चय कोष, राष्ट्रिय वाणिज्य बैंक लिमिटेड, नेपाल बैंक लिमिटेड, नेपाल बंगलादेश बैंक लिमिटेड र सेञ्चुरी कमर्सियल बैंक लिमिटेडले लगानी गर्न सम्झौता गरिसकेका छन् ।
