.gif)
नेपाल स्टक एक्सचेन्ज नेप्से र मर्चेन्ट बैंकर्स एसोसियन अफ नेपालबीच संयुक्त मञ्च निर्माण गर्ने सहमति भएको छ । संघका नवनिर्वाचित पदाधिकारीलाई बधाई तथा शुभकामना दिन नेप्सेले आयोजना गरेको कार्यक्रममा संयुक्त मञ्च निर्माण गर्ने सहमति भएको हो।
नेप्से र संघबीच पुँजी बजारका विभिन्न पक्षमा सहकार्य र समन्वय गर्ने विषयमा छलफल भएको र पुँजी बजार सम्बद्ध नीतिगत र प्राविधिक विषयमा छलफललाई निरन्तरता दिन संयुक्त मञ्च निर्माण गर्ने सहमति भएको बताईएको छ ।
संघका अनुसार यस मञ्चले पुँजी बजारका विभिन्न पक्षमा सहकार्य र समन्वय गर्ने छ । साथै मञ्चले बजारमा नयाँ लगानीका औजार ल्याउनको लागि अध्ययन गर्ने, सुझाव दिने लगायतका विषयमा कार्य गर्ने छ । त्यस्तै संघलाई कार्य गर्दा आई परेका विविध समस्यालाई समाधान गर्नको लागि पनि मञ्चले कार्य गर्ने बताईएको छ ।
