यूनाईटेड इन्स्योरेन्स United Insurance Company (Nepal) ले आर्थिक वर्ष ७५/७६ को साधारणसभा आह्वान गरेको छ । कम्पनीले माघ ७ गते बुधबार होटेल हिमालयन कुपण्डोलमा सभा आह्वान गरेको हो ।
सभामा अध्यक्षको प्रतिवेदन उपर छलफल गरि पारित गर्ने, लेखापरीक्षकको प्रतिवेदन उपर छलफल गरि पारित गर्ने, लेखापरीक्षकको नियुक्ति गरि निजको पारिश्रमिक तोक्ने लगायतका प्रस्ताव पेश हुने छन् । त्यस्तै सभामा बीमा समितिको स्वीकृति बमोजिम संस्थापक र सर्बसाधारण शेयरधनीको शेयर स्वामित्व संरचना परिवर्तन गरि प्रबन्धपत्र र नियमावलीमा आवश्यक संशोधन गर्ने अख्तियारी संचालक समितिलाई दिने प्रस्ताव पेश हुने छ। कम्पनीले लाभांश प्रस्ताव गरेको छैन ।
कम्पनीले साधारणसभा प्रयोजनको लागि पुस २१ गते बुक क्लोज गर्ने निर्णय गरेको छ । पुस २० गतेसम्म कायम शेयरधनीले मात्र सभामा भाग लिन सक्ने छन् ।