एनआरएन लघुवित्तको नाम परिवर्तन भएको छ । कम्पनीको नाम एनआरएन लघुवित्तबाट परिवर्तन भएर किसान लघुवित्त वित्तीय संस्था कायम भएको हो ।
नाम परिवर्तन संगै नेपाल स्टक एक्सचेन्ज नेप्सेमा कारोबारको लागि प्रयोग हुने सिम्बल पनि परिवर्तन भएको छ । अब सो कम्पनीको साधारण शेयरको कारोबार KLBSL र संस्थापक शेयरको कारोबार KLBSLP सिम्बलबाट हुने छ ।
किसान माइक्रोफाइनान्स, एनआरएन लघुवित्त, र दिव्या लघुवित्त १:१:१ को स्वाप अनुपातमा मर्ज भएका थिए। मर्जपछि एनआरएन लघुवित्तको नामबाट एकिकृत कारोबार सुरु भएको थियो । तर अब एनआरएन लघुवित्तबाट नाम परिवर्तन भएर किसान लघुवित्त वित्तीय संस्था कायम भएको हो ।
