अपि पावर कम्पनी Api Power Company ले लिलाममा ल्याएको शेयरको प्रारम्भिक कट अफ मूल्य २०२ कायम भएको छ । बिक्रि प्रबन्धक सिद्धार्थ क्यापिटलले आज आइतबार लिलाममा परेको बोलपत्र खोलेको हो ।
जस अनुसार प्रारम्भिक कट अफ मूल्य २०२ कायम भएको क्यापिटले जनाएको छ । यद्यपि यो प्रारम्भिक कट अफ मूल्य भएको र चेकहरु भेरिफाई भएपछि मात्र अन्तिम कट अफ मूल्य आउने क्यापिटले जनाएको छ । अन्तिम कट अफ मूल्य अहिले आएको प्रारम्भिक कट अफ मूल्य भन्दा फरक हुन सक्ने क्यापिटलले प्रष्ट पारेको छ ।
क्यापिटलका अनुसार यस लिलामीको शेयरमा १३७९ वटा आवेदन परेका थिए ।
अपि पावरले पुस ६ देखि १३ गतेसम्म हकप्रदमा अवितरित १३ लाख कित्ता बढी शेयर लिलाममा ल्याएको थियो । कम्पनीले हकप्रदमा बिक्रि नभएको सर्बसाधारण समुहको १३ लाख ४६ हजार २ सय १८ कित्ता लिलाम गरेको हो ।
आयोजनामा हिमालन बैंक लिमिटेडको अगुवाइमा कर्मचारी सञ्चय कोष, राष्ट्रिय वाणिज्य बैंक लिमिटेड, नेपाल बैंक लिमिटेड, नेपाल बंगलादेश बैंक लिमिटेड र सेञ्चुरी कमर्सियल बैंक लिमिटेडले लगानी गर्न सम्झौता गरिसकेका छन् ।
