नेपाल स्टक एक्सचेन्ज नेप्सेमा आज सोमबार प्राइम कमर्शियल बैंक Prime Commercial Bank Limited को शेयर मूल्य समायोजन भएको छ । बैंकले साधारणसभा प्रयोजनको लागि आज बुक क्लोज गरेकोले १५ प्रतिशत बोनसमा मूल्य समायोजन भएको छ ।
समायोजनपछि बैंकको शेयर मूल्य प्रति कित्ता ४०७ कायम भएको छ । समायोजन अगाडी बैंकको शेयर मूल्य ४६८ थियो ।
बैंकले चालु आर्थिक वर्ष ७६/७७ को मुनाफाबाट चुक्ता पूँजीको १५ प्रतिशत बोनस शेयर वितरण गर्ने प्रस्ताव गरेकोछ । साधारणसभाले पारित गरेपछि लगानीकर्तामा उक्त लाभांश वितरण हुने छ । बैंकले पुस २९ गते साधारणसभा आह्वान गरेको छ ।पुस १९ गतेसम कायम शेयरधनीले मात्र साधारणसभामा भाग लिन र प्रस्तावित लाभांश पाउन सक्ने छन् ।
बैंकले हालै कैलाश विकास बैंकलाई प्राप्ति गरेकोले बोनसमा लाग्ने कर तिर्नु नपर्ने भएकोले बैंकले नगद लाभांश घोषणा गरेको छैन । हाल बैंकको चुक्ता पूँजी १३ अर्ब ९८ करोड ५२ लाख ४९ हजार ५०४ रुपैयाँ रुपैयाँ छ ।
