प्रिमियर इन्स्योरेन्स Premier Insurance Company ले आफ्नो स्वामित्वमा रहेको नागरिक लगानी कोष Citizen Investment Trust को १ लाख कित्ता बढी संस्थापक शेयर लिलाम गर्ने भएको छ । कम्पनीले कोषको १ लाख ३ हजार ७ सय कित्ता संस्थापक शेयर लिलाम गर्न लागेको हो ।
लिलामीको शेयरमा आज पुस २९ देखि माघ ८ गतेसम्म आवेदन दिन सकिने छ। यद्यपि यस लिलाममा बैंक तथा वित्तीय संस्था र बिम्म कम्पनी बाहेकका अन्य व्यक्ति वा कम्पनीले आवेदन दिन पाउने छैनन् ।
कम्पनीले यी शेयरको न्युनतम मूल्य प्रति कित्ता १३ सय ५९ कायम गरेकोले आवेदन दिनेले सो भन्दा बढी मूल्य कबुल गरि आवेदन दिनु पर्ने छ । आवेदन दिँदा न्युनतम १०० कित्ता र अधिकतम पुरै शेयरको लागि आवेदन दिन सकिने छ ।
शेयर लिलाम प्रक्रियाको लागि नबिल इन्भेस्टमेन्ट बिक्रि प्रबन्धक रहेको छ ।
