माछापुच्छ्रे क्यापिटलले कृति क्यापिटल एण्ड इन्भेष्टमेन्ट्सलाई गाभेपछि माघ २ गतेदेखि एकिकृत कारोबार सुरु गर्ने भएको छ । प्राप्ति प्रक्रियापछि माछापुच्छ्रे कृति क्यापिटलको नामबाट एकिकृत कारोबार सुरु हुन लागेको हो ।
एकिकृत कारोबारपछि बन्ने कम्पनीको केन्द्रीय कार्यालय साविकको कृति क्यापिटलको कार्यालय रहेको स्थान बागदरबार, सुन्धारामा रहने छ । हाल माछापुच्छ्रे क्यापिटलले दिइरहेको सेवा पनि अब एकिकृत कारोबारपछि कायम हुने कार्यालय सुन्धाराबाट प्रवाह हुने छ ।
त्यस्तै कृतिमा खोलिएका डिम्याट खाताहरु सिडीएसले आवश्यक प्रक्रिया पुरा गरेर माछापुच्छ्रे कृतिको नाममा आउने छ ।
