नेपालको सेयरबजारको प्राथमिक बजारमा अहिलेसम्मकै सबैभन्दा ठुलो साधारण सेयर (आइपीओ) आजबाट निस्काशन भएको छ। पूर्वाधार तथा ठुला परियोजनामा लगानी गर्ने उदेश्यले स्थापना भएको नेपाल इन्फ्रास्ट्रकचर बैंकले आजदेखि ८ अर्ब रुपैयाँ बराबरको ८ करोड कित्ता आइपीओ निष्काशन गरेको हो।
जस मध्ये ०.२० प्रतिशत अर्थात १ लाख ६० हजार कित्ता कर्मचारीहरुको लागि र ५ प्रतिशतले हुन आउने ४० लाख कित्ता सामुहिक लगानी कोषको लागि छुट्याईएको छ। बाँकि रहेको ७ करोड ५८ लाख ४० हजार कित्ताको लागि सर्बसाधारणले आवेदन दिन सक्ने छन् । आवेदन दिँदा न्युनतम १० कित्ता र अधिकतम २ करोड कित्ताको लागि आवेदन दिन सकिने छ ।
'निफ्राले पुँजीबजारलाई नै सुदृढ पार्छ, आईपिओ भर्नलाई प्रतिफलको चिन्ता गर्नुपर्दैन' (अन्तर्वार्ता)
अहिले जुन अनुपातमा डिम्याट खाता खुलिरहेका छन् र खोल्ने क्रम पनि बढिरहेको छ। पछिल्लो तथ्यांक हेर्दा डिम्याट खाता खोल्नेको संख्या झन्डै २५ लाख पुगेका छन् यसमा केहि डुब्लिकेसनलाई घटाउँदा पनि कम्तिमा १२-१५ लाखले आइपीओ भर्ने सक्ने अवस्थामा छ। यत्तिको डिम्याट खाताबाट आइपीओको लागि आबेदन आउँदा पनि एउटाले ५०-६० कित्ता पाउने अवस्था हुन्छ।
आईपिओमा छिटोमा माघ ६ गतेसम्म र सो अवधिसम्ममा माग अनुसारको आवेदन नपरेको खण्डमा माघ १६ गतेसम्म आवेदन दिन सकिने छ । आईपिओ निष्काशनको लागि एनआइबिएल एस क्यापिटल बिक्रि प्रबन्धक रहेको छ।
यो पनिः
