सिटिजन लाइफ इन्स्योरेन्सले तेस्रो साधारणसभा आह्वान गरेको छ । कम्पनीले फागुन २ गते आइतबार आम्रपाली ब्यान्क्वेटमा सभा आह्वान गरेको हो ।
सभामा कम्पनीले सर्बसाधारणलाई आईपिओ निष्काशन गर्ने प्रस्ताव पेश गर्ने छ । कम्पनीले ७५ करोड बराबरको ७५ लाख कित्ताको शेयर निष्काशन गर्ने तयारी गरेको छ । अधिकृत पुँजी ३०० करोड रहेको कम्पनीमा संस्थापक शेयरधनीबाट १७५ करोड चुक्ता भइसकेको छ। आईपिओ निष्काशनपछि कम्पनीको चुक्ता पुँजी २५० करोड पुग्ने छ । कम्पनीले शेयर निष्काशनको लागि एनआइबीएल एस क्यापिटललाई बिक्रि प्रबन्धक चयन गरिसकेको छ ।
त्यस्तै सभामा आर्थिक वर्षमा ७५/७६ को वार्षिक प्रतिवेदन छलफल गरि पारित गर्ने, लेखापरीक्षक प्रतिवेदन छलफल गरि पारित गर्ने, लेखापरीक्षक नियुक्ति गरि निजको पारिश्रमिक तोक्ने लगायतका प्रस्ताव पेश हुने छन्।