प्राइम लाइफ इन्स्योरेन्स Prime Life Insurance Company ले आर्थिक वर्ष ७५/७६ को लाभांश शेयरधनीको खातामा पठाएको छ । कम्पनीको पुस २७ गतेको साधारणसभाले पारित गरेको ८ प्रतिशत नगद लाभांश कम्पनीले डिम्याट खातामा बैंक खाता अध्यावधिक गराएका शेयरधनीको खातामा पठाएको जनाएको हो ।
कम्पनीले खाता अपडेट नगराएका शेयरधनीलाई भने कम्पनीले बैंक खाता अपडेट गराउन र शेयर डिम्याट नगराएका शेयरधनीलाई शेयर डिम्याट गराउन आग्रह गरेको छ । त्यस्तै शेयर धितो राखेको भए बैंक तथा वित्तीय संस्थाको स्वीकृति संस्थाको स्वीकृति लिएर कम्पनीको शेयर रजिष्ट्रार नबिल इन्भेस्टमेन्टमा गई पेश गरेर नगद लाभांश लिन कम्पनीले आग्रह गरेको छ ।
