चन्द्रागिरी हिल्स लिमिटेडले कम्पनी पूर्ण रुपमा संचालन आएको एक वर्षपछि
लाभांश वितरण गर्ने जनाएको छ । कम्पनीका संचालक
अम्बिका पौडेलले कोरोना महामारीपछि कम्पनीको केवुलकार पूर्ण रुपमा संचालनमा आएको एक
वर्षपछि लाभांश वितरण गर्ने जनाएका हुन् ।
आईपिओ बाँडफाँड कार्यकममा बोल्दै संचालक
पौडेलले कम्पनीको केवुलकार पूर्णरुपमा संचालनमा आएको १ वर्षपछि १० प्रतिशत र अर्को
वर्ष २० प्रतिशत लाभांश वितरण गर्ने जनाएका हुन् ।
कोरोना महामारीको कारण कम्पनीको व्यवसाय प्रभावित भएको र अहिले कम्पनीलाई
संचालक खर्च धान्न पनि धौ धौ परिरहेको उनको भनाई छ ।
त्यस्तै उनले आईपिओमा आवेदन दिनेलाई केवलकारमा प्रदान गरिएको २५ प्रतिशत छुट एक
पटकको लागि मात्र भएको बताए ।
उनले अहिलेको अफरको प्रभाव हेरेर अन्य अफर सार्वजनिक गरिने बताए ।
कम्पनीको बिक्रि प्रबन्धक ग्लोबल आईएमई क्यापिटलले आज कम्पनीको आईपिओ बाँडफाँड गरेको हो । जस अनुसार गोलाप्रथाबाट १ लाख ३९ हजार ६ सय २ जनाले गोलप्रथा १० कित्ता शेयर पाएका छन् । त्यस्तै २० कित्ता देखि १३ हजार ९ सय ६० कित्तासम्मको लागि आवेदन दिने मध्ये बाट २ जनाले थप १ कित्ता शेयर पाएका छन् । यस हिसाबमा २ जनाले ११ कित्ता शेयर पाएका छन् ।
कम्पनीको
आईपिओमा १२ लाख १६ हजार ९ सय ५३ जना आवेदकले आवेदन दिएका थिए । जस मध्ये १२ लाख ११
हजार १ सय १५ जना मात्र योग्य आवेदक रहेको क्यापिटलले जनाएको छ । योग्य आवेदकलाई
गोलाप्रथामा सहभागी गराएर शेयर बाँडफाँड गरिएको हो । यस हिसाबमा आवेदन दिएका १०
लाख ७७ हजार बढी आवेदक हात खाली भएका छन् ।
आईपिओको नतिजा केहि समयपछि बिजपाटी डटकममा उपलब्ध हुने छ । बिजपाटीले आज माघ ९ गतेदेखि आईपिओ नतिजाको लागि छुट्टै सर्भर राखी ipo.bizpati.com नामको सबडोमेन संचालनमा ल्याएको छ ।
