नेपाल स्टक एक्सचेन्ज नेप्सेले एनसीसी बैंक Nepal Credit & Commerce Bank Limited लाई जानकारी उपलब्ध गराउन निर्देशन दिएको छ । बैंकले शेयर मूल्यलाई असर गर्ने कुनै सूचना तथा निर्णय गरेको भए सो को जानकारी ३ दिन भित्र नेप्सेलाई दिन भनेको हो।
आइतबारको कारोबारमा बैंकको शेयरमा उच्च खरिद माग देखिएको भन्दै नेप्सेले यदि कुनै निर्णय गरेको भए त्यसबारे जानकारी दिन भनेको हो ।
आइतबारको कारोबारमा बैंकको शेयर मूल्य ९.९७ प्रतिशत अर्थात् ३३ रुपैयाँले बढेको छ । आजको कारोबारपछि बैंकको शेयर मूल्य ३६४ कायम भएको छ ।
एनसीसी बैंक नबिल बैंकसँग मर्जरमा जाने चर्चा चलेसंगै कम्पनीको शेयरमा उच्च माग देखिएको बताईएको छ ।