आइतबार शेयर बजार परिसूचक नेप्से नयाँ उचाईमा पुगेको छ । आज आइतबार नेप्से सूचक ५०.२० अंकले बढेर हालसम्म कै उच्च अर्थात् २४२४.८४ को बिन्दुमा पुगेको हो ।
आज कारोबारमा आएका २०७ कम्पनीका १ करोड ९३ लाख ७९ हजार ४२ कित्ता शेयर खरिद बिक्रिबाट ९ अर्ब ३७ करोड ६० लाख ५३ हजार २ सय २० रुपैयाँको कारोबार भएको छ ।
आज नेपाल लाइफ इन्स्योरेन्सको सबैभन्दा धेरै ६६ करोड ८२ लाख ७३ हजार १ सय ९५ रुपैयाँको कारोबार भएको छ । त्यस्तै पुनर्बीमा कम्पनीको ३४ करोड ७९ लाखको कारोबार भएको छ ।
आज कारोबारमा आएका ट्रेडिङ समुह बाहेकका सबै समुहगत सूचक बढेका छन् । आज १५ कम्पनीको शेयर मूल्य ९ प्रतिशत भन्दा धेरैले बढेको छ । आज नारायणी डेभलपमेन्ट बैंकका शेयरधनीले सबैभन्दा धेरै ९.९१ प्रतिशत गुमाएका छन् ।
आजको कारोबारपछि बजार पुँजीकरण ३२ खर्ब ६६ अर्ब २३ करोड पुगेको छ । लगानीकर्ताको सम्पति आज एकैदिन ६८ अर्बले बढेको छ ।
आजदेखि सेयर राफसाफमा टि प्लस टू लागु भएसंगै बजारमा धितोपत्रको तरलतामा वृद्धि हुने भएकोले बजारमा उछाल आएको बताईएको छ ।
