नेपाल इन्फ्रास्ट्रकचर बैंक 'निफ्रा' को आईपिओको आज प्रि अलोटमेन्ट हुने भएको छ । बिक्रि प्रबन्धक एनआईबिएल एस क्यापिटलले आज दोस्रो हाफमा आईपिओको प्रि अलोटमेन्ट गर्ने तयारी गरेको हो ।
प्रि अलोटमेन्टमा कति आवेदन परेको छ, ति मध्ये कति अयोग्य भएका छन् , कति योग्य भए र कति जनाले कति कित्ता शेयर पाउँछन् भन्ने विषय टुंगो लगाईन्छ । आज प्रि अलोटमेन्ट गरेपछि क्यापिटलले शुक्रबार शेयर बाँडफाँड गर्ने तयारी गरेको छ । त्यस दिन कुन लगानीकर्ताले कति कित्ता शेयर पाउने छन् भन्ने गोलाप्रथाबाट टुंगो लगाईने छ ।
कम्पनीको आईपिओमा १८ अर्ब बढीको आवेदन परेको छ । कम्पनीको आईपिओमा आवेदन दिने गत हप्ताको मंगलबार साँझ ६ बजेसम्ममा १५ लाख २९ हजार ६ सय ६० आवेदकबाट १८ करोड १२ लाख ८६ हजार ७ सय २० कित्ताको लागि आवेदन परेको छ । मेरोशेयर को प्रणालीमा समस्या आएकोले आवेदन दिने समय ६ बजेसम्म थप गरिएको थियो ।
कुनै पनि आईपिओमा १५ लाख बढी लगानीकर्ताले आवेदन दिएको यो नै पहिलो पटक हो । यस अघि चन्द्रागिरी हिल्सको आईपिओमा साढे १२ लाखले आवेदन दिएका थिए ।
माग भन्दा बढीको आवेदन परेसंगै सबै आवेदकले माग अनुसार कै शेयर भने नपाउने पक्का भएको छ।तर अहिलेसम्मको तथ्यांकअनुसार योग्य र रितपुर्वक परेका ५० कित्तासम्मको लागि आवेदन दिनेले मागेअनुसार कै पाउने देखिन्छ।
