ग्रीनलाइफ हाइड्रोले निष्काशन गरेको आईपिओ शुक्रबार बाँडफाँड हुदै छ । बिक्रि प्रबन्धक बिओके क्यापिटलले मंगलबार आईपिओको प्रि अलोटमेन्ट सकेर शुक्रबार शेयर बाँडफाँड गर्न लागेको हो । शुक्रबार बिहान ९ बजे शेयर बाँडफाँड हुने क्यापिटलले जनाएको हो ।
प्रि अलोटमेन्टमा कति आवेदन परेको छ, ति मध्ये कति अयोग्य भएका छन् , कति योग्य भए र कति जनाले कति कित्ता शेयर पाउँछन् भन्ने विषय टुंगो लगाईन्छ । शेयर बाँडफाँड हुने दिनमा कुन लगानीकर्ताले कति कित्ता शेयर पाउने छन् भन्ने गोलाप्रथाबाट टुंगो लगाईन्छ ।
कम्पनीको आईपिओमा १३ लाख २२ हजार ९ सय ७१ जनाले आवेदन दिएका छन्। जस मध्ये १३ लाख १९ हजार ५९ जनाको मात्र आवेदन योग्य भएको क्यापिटलले जनाएको छ । माग भन्दा बढीको आवेदन परेकोले कम्पनीको आईपिओ गोलाप्रथाबाट ३ लाख २५ हजार १ सय ६५ जनाले मात्र शेयर पाउने छन् । यी मध्ये २ जना आवेदकले समान ११ कित्ता शेयर पाउने छन् । यस हिसाबमा आवेदन दिएका मध्ये ९ लाख ९७ हजार ८ सय ६ जना आवेदक हात खाली हुने छन्।
बिक्रि खुला गरिएको मध्ये ६९ हजार ९२८ जना कित्ता हाइड्रोका कर्मचारीका लागि,१ लाख ७४ हजार ८२० कित्ता म्युचुअल फन्डको लागि र बाँकी ३२ लाख ५१ हजार ६५२ कित्ता सर्वसाधारणको लागि छुट्याइएको थियो।
कम्पनीको अधिकृत पूँजी दुई अर्ब पचास करोड रहेको छ । जारी पूँजी एक अर्ब असी करोड रहेको छ । कम्पनीको जारी पूँजी मध्ये संस्थापकहरुले तत्काल चुक्ता गरेको पूँजी रकम एक अर्ब चवालीस करोड रहेको छ । आयोजना प्रभावित क्षेत्रका बासिन्दाका लागि निष्काशन पश्चात कम्पनीको चुक्ता पूँजी एक अर्ब पैंतालिस करोड तिन लाख साठि हजार पुगेको छ । सर्बसाधारणलाई आईपिओ निष्काशन गरेपछि कम्पनीको चुक्ता पूँजी एक अर्ब असी करोड पुग्ने छ।
यस कम्पनिले दोलखा जिल्लाको गौरीशंकर गाँउपालिकामा बहने खानीखोला, हनापु खोला र नाप्के खोलाको पानी मिसाई ४० मेगावाट क्षमताको खानीखोला १ जलविद्युत आयोजना निर्माण गरिरहेको छ । कम्पनीले २०७८ वैशाख देखि विद्युतको व्यापारिक उत्पादन प्रारम्भ गर्ने लक्ष्य लिएको छ ।
