प्रभु क्यापिटल Prabhu Capital ले राष्ट्रिय बहिरा महासंघका सदस्यहरुलाई शेयर बजार सम्बन्धी १ दिने आधारभूत तालिम पदान गरेको छ । क्यापिटलले राष्ट्रिय बहिरा महासंघ नेपालको सहयोगमा शनिवार तालिम आयोजना गरेको हो । तालिममा २५० जना सदस्यहरुको सहभागीता रहेको क्यापिटलले जनाएको छ।
क्यापिटलले संस्थागत सामाजिक उत्तरदायित्व अन्तरगत राष्ट्रिय बहिरा महासंघका सदस्यहरुलाई प्रभु क्यापिटलमा डिम्याट खोल्दा कुनै पनि शुल्क नलाग्ने जनाएको छ ।
कार्यक्रममा राष्ट्रिय वहिरा महासंघका उपाध्यक्ष सत्यदेवी वाग्लेले शेयर बजार सम्बन्धी तालिम फलदायी भएको तथा शेयर बजारमा लगानी गरेर आर्थिक उपार्जन गर्दै बहिराथीहरु आर्थिक रुपमा सबल बन्न सक्ने बताईन् । आगामी दिनमा अझै एडभान्स लेबलको तालिमहरु पनि प्रदान भएमा यसले बहिराहरुलाई नेपालको शेयरबजारमा लाग्नको लागि थप प्रेरित गर्ने उनको भनाई थियो ।