सिडीएससीले मेरो शेयर नवीकरणको लागि अन्य सेवा प्रदायकलाई पनि प्रणालीमा आवद्द गराउने भएको छ । हाल ईसेवाबाट मात्रै स्वचालित रुपमा अर्थात् रियल टाइम मै खाता नवीकरण हुने गरेकोमा छिट्टै अन्य सेवा प्रदायकलाई पनि आवद्द गराउन लागेको हो ।
सिडीएसका केहि दिन भित्र मै खल्ती, प्रभु पे र आईएमई पे लाई पनि प्रणालीमा आवद्द गराईने छ । त्यसपछि यी सेवा प्रदायक मार्फत पनि लगानीकर्ताले मेरो शेयर खाता नवीकरण गर्न सक्न सक्ने छन् ।
सिडीएसले गत साउन १ देखि ईसेवा मार्फत स्वचालित रुपमा खाता नवीकरणको सुविधा दिएको थियो । जसमा इसेवाबाट पैसा तिर्ना साथ सोहि समयमा नै मेरोशेयरको खाता नवीकरण हुने ब्यबस्था छ । अब भने यसमा खल्ती, प्रभु पे र आईएमई पे लाई पनि थप गर्ने सिडीएसले जनाएको छ । त्यसपह्चि कनेक्ट आईपीएसलाई पनि आवद्द गराउने सिडीएसको तयारी छ ।
सिडीएसले ईसेवा बाट नवीकरणको सुविधा दिँदा नै एनसीएचएल, खल्ती, आईएमई पे, लगायतका सेवा प्रदायकहरुलाई पनि प्रणालीमा आवद्द गरि परिक्षण गर्ने कार्य भईरहेको जनाएको थियो । परिक्षण सफल भएसंगै अन्य सेवा प्रदायकलाई पनि प्रणालीमा थप्न लागिएको हो । सिडीएसका अनुसार यो कार्य अबको एक दुई दिन भित्र नै भईसक्ने छ।