एनआईसी एसिया बैंक NIC Asia Bank Limited ले आफ्नो स्वामित्वमा रहेको नेशनल लाइफ इन्स्योरेन्स National Life Insurance Company को २५ हजार कित्ता संस्थापक शेयर लिलाम गर्ने भएको छ । बैंकले फागुन १७ देखि २३ गतेसम्म ति शेयर लिलाम गर्न लागेको हो ।
बैंकले ति शेयरको मूल्य प्रति कित्ता ४९२ कायम गरेकोले आवेदन दिँदा सो भन्दा बढी रकम कबुल गरि शिलबन्दी बोलपत्र पेश गर्नु पर्ने छ । आवेदन दिँदा न्युनतम १०० कित्ता र अधिकतम पुरै कित्ताको लागि आवेदन दिनु पर्ने छ ।
शेयर लिलामको लागि एनआईसी एसिया बिक्रि प्रबन्धक रहेको छ । इच्छुक लगानीकर्ताले क्यापिटलले क्यापिटलबाट बोलपत्र फारम पाउन सक्ने छन् । त्यस्तै एनआईसी एसियाको केन्द्रीय कार्यालय थापाथली, र शाखा कार्यालयहरु विराटनगर, आदर्शनगर, महेन्द्रपुल, श्रवनपथ, हस्पिटल लाइन र बिरेन्द्रचोकबाट पनि आवेदन फारम लिन र बुझाउन सकिने छ ।
आवेदन दिनको लागि कालोसूचीमा नरहेको पत्र, कर चुक्ता प्रमाणपत्र, आयको स्रोत विवरण, स्व घोषणा विवरण, र बीमा समितिले तोकेबमोजिमको फिट एण्ड प्रपर टेस्टको फारम पनि पेश गर्नु पर्ने छ।