रघुपति जुट मिल्सले शेयरधनीहरुको ३ पुस्ते विवरण माग गरेको छ । कम्पनीले शेयरवाला दर्ता कितावमा शेयरधनीको नाम, ठेगाना अध्यावधिक गर्नु पर्ने भएकोले सबै शेयरधनीहरुलाई ३ पुस्ते विवरण, ठेगना, टेलिफोन नम्बर उपलब्ध गराउन आग्रह गरेको हो ।
त्यस्तै कम्पनीले शेयर प्रमाणपत्र नम्बर र शेयर संख्याको विवरण समेत माग गरेको छ । कम्पनीले यी विवरण चैत्र मसान्त भित्र कम्पनीको मोरङ स्थित कार्यालयमा वा इमेल मार्फत पठाउन आग्रह गरेको छ ।
कम्पनीले यहि चैत्र १३ गते २३ औ साधारणसभा समेत आह्वान गरेको छ । सभामा अध्यक्षको प्रतिवेदन पारित गर्ने, लेखापरिक्षकको प्रतिवेदन पारित गरि छलफल गर्ने, र आर्थिक वर्ष ७७/७८ को लागि लेखापरिक्षक नियुक्त गरि निजको पारिश्रमिक तोक्ने लगायतका प्रस्ताव पेश हुने छन् ।
नेपाल स्टक एक्सचेन्ज नेप्सेमा कम्पनीको १८ लाख ६ हजार ९ सय ६६ कित्ता शेयर सुचिकृत रहेको छ । तर कम्पनीको कारोबार भने हुने गरेको छैन । कम्पनीको अन्तिम कारोबार २०६७ साल जेठमा भएको थियो ।