ग्रीन डेभलपमेन्ट बैंक Green Development Bank Limited ले साधारणसभा आह्वान गरेको छ । कम्पनीको फागुन २८ गते बसेको संचालक समितिको बैठकले चैत्र २८ गते होटेल बाराही पोखरा लेकसाइडमा साधारणसभा आह्वान गर्ने निर्णय गरेको हो । सभामा भर्चुअल माध्यमबाट पनि सहभागी हुन सकिने बैंकले जनाएको छ ।
सभामा लाभांश सहितका विविध प्रस्ताव पेश हुने छन् । कम्पनीले आर्थिक वर्ष ७६/७७ को मुनाफाबाट ३.८० प्रतिशत बोनस शेयर र ०.२० प्रतिशत नगद लाभांश गरि कुल ४ प्रतिशत लाभांश वितरण गर्ने प्रस्ताव गरेको छ । बैंकको साधारणसभाले पारित गरेपछि उक्त लाभांश लगानीकर्तामा बितरण हुने छ ।
त्यस्तै सभामा मर्जर तथा प्रतिको लागि संस्था छनौट गर्ने र उपयुक्त देखिएमा मर्जरको लागि सम्झौता गर्ने र अन्य आवश्यक कार्य गर्ने अख्तियारी संचालक समितिलाई दिने विशेष प्रस्ताव पेश हुने छ । त्यस्तै लाभांशपछि चुक्ता पुँजी वृद्धि हुने भएकोले सोहि अनुसार प्रबन्धपत्रमा संशोधन गर्ने प्रस्ताव सभामा पेश हुने छ । त्यस्तै नियामक निकायबाट प्रबन्धपत्र र नियमावलीमा संशोधन गर्न थप निर्देशन प्राप्त भएमा सोहि अनुसार गर्ने अख्तियारी संचालक समितिलाई दिने प्रस्ताव पेश हुने छ ।
सभामा साधारण प्रस्ताव अन्तर्गत अध्यक्षको प्रतिवेदन उपर छलफल गरि पारित गर्ने, लेखापरीक्षक प्रतिवेदन तथा अन्य वित्तीय विवरण छलफल गरि पारित गर्ने, लेखापरीक्षक नियुक्त गरि निजको पारिश्रमिक तोक्ने, र सर्बसाधारण समुहबाट २ जना संचालकको नियुक्ति गर्ने र स्वतन्त्र संचालक नियुक्त भएको जानकारी गराउने प्रस्ताव पेश हुने छ।