समीट लघुवित्तले एफपिओ निष्काशन गर्ने भएको छ । कम्पनीले एफपिओ निष्काशन प्रस्ताव सहित साधारणसभा आह्वान गरेको हो ।
कम्पनीले चैत्र २९ गते तनहुँको आबुंखैरेनी रेस्टुरेन्ट तथा पार्टी प्यालेसमा सभा आह्वान गरेको हो । सभामा एफपिओ सहितका विशेष प्रस्ताव पेश हुने छन् । कम्पनीले सजिलो लघुवित्त र समीट मर्ज भएपछि संस्थापक र सर्बसाधारण लगानीकर्ताको शेयर अनुपात मिलाउनको लागि कम्पनीले एफपिओ निष्काशन गर्न लागेको हो। जस अनुसार कम्पनीले ६ लाख कित्ता एफपिओ निष्काशन गर्न प्रस्ताव गरेको हो । साधारणसभाले पारित गरेपछि एफपिओ निष्काशन प्रक्रिया अगाडी बढ्ने छ।
त्यस्तै सभामा मर्जर तथा प्राप्तिको लागि निर्णय गर्ने र आवश्यक कार्य गर्नको लागि सम्पूर्ण अख्तियारी संचालक समितिलाई प्रदान गर्ने, संचालक समितिको सेवा सुविधा परिमार्जन गर्ने, प्रबन्धपत्र र नियमावलीमा आवश्यक संशोधन गर्ने, नियामक निकायबाट थप संशोधनको लागि निर्देशन भएमा त्यसको अख्तियारी संचालक समितिलाई दिने, मर्जर सम्बन्धि खर्च अनुमोदन गर्ने, लगायतका प्रस्ताव पेश हुने छन् ।
त्यस्तै सभामा अध्यक्षको प्रतिवदन पेश गर्ने, लेखापरिक्षकको प्रतिवेदन र अन्य वित्तीय विवरणहरु पेश गर्ने, लेखापरिक्षक नियुक्त गरि निजको पारिश्रमिक तोक्ने, र संस्थापक समुहको ४ जना र सर्बसाधारण समुहको २ जना गरि ६ संचालकको निर्वाचन गर्ने प्रस्ताव पेश हुने छ ।
कम्पनीले साधारणसभा प्रयोजनको लागि चैत्र १७ देखि साधारणसभा नहुँदा सम्म बुक क्लोज गर्ने निर्णय गरेको छ । चैत्र १६ गतेसम्म कायम शेयरधनीले मात्र सभामा भाग लिन सक्ने छन् । कम्पनीले लाभांश प्रस्ताव गरेको छैन ।