नागरिक लगानी कोष Citizen Investment Trust लिलाममा ल्याएको शेयरको प्रारम्भिक कट अफ मूल्य ३५०४ कायम भएको छ । बिक्रि प्रबन्धक आरबिबि मर्चेन्टले शनिवार लिलाममा परेको बोलपत्र खोलेको हो ।
जस अनुसार प्रारम्भिक कट अफ मूल्य ३५०४ कायम भएको मर्चेन्टले जनाएको छ । यद्यपि यो प्रारम्भिक कट अफ मूल्य भएको र चेकहरु भेरिफाई भएपछि मात्र अन्तिम कट अफ मूल्य आउने छ । अन्तिम कट अफ मूल्य अहिले आएको प्रारम्भिक कट अफ मूल्य भन्दा फरक हुन सक्ने मर्चेन्टले प्रष्ट पारेको छ । अन्तिम कट अफ मूल्य आउँन १-२ दिन लाग्ने कम्पनीले जनाएको छ ।
क्यापिटलका अनुसार यस लिलामीको शेयरमा ६३५४ वटा आवेदन परेका थिए । अधिकतम विड ४ सय ४ सय ४४ रुपैयाँमा परेको थियो।
कोषले फागुन २१ गतेदेखि चैत्र २ गतेसम्म हकप्रदमा अवितरित ३ लाख ५४ हजार १ सय ५० दशमलव ०५ कित्ता शेयर लिलाममा ल्याएको थियो । यी सबै सर्बसाधारण समुह तर्फका शेयर थिए ।
कम्पनीले पुष २८ गतेदेखि माघ १९ गतेसम्म १ः०.८२८४ का दर (८२.८४) प्रतिशतका दरले १ करोड ३५ लाख ९२ हजार ५ सय ९२ कित्ता शेयर निष्काशन गरेको थियो । जस मध्ये रितपुर्वक आवेदन दिने १२ हजार ६ सय ४० जनालाई १ करोड ३२ लाख ३८ हजार ३ सय ७८ दशमलव ९५ कित्ता शेयर बाँडफाँड भएको थियो । बाँकि रहेको शेयर लिलाममा आएको हो ।
हकप्रद पश्चात कम्पनीको चुक्ता पुँजी ३ अर्ब पुग्ने छ ।