नेपाल स्टक एक्सचेन्स नेप्से तथा सिडिएस एण्ड क्लियरिङ्ग लिमिटेडले संयुक्त रुपमा वीरगञ्ज र हेटौंडामा पूँजीबजार सम्बन्धी लगानीकर्ता सचेतना कार्यकम आयोजना गरेका छन् । चैत्र ७ गते प्रदेश नं २ को वीरगञ्ज र ८ गते प्रदेश नं ३ को हेटौंडामा कार्यकम गरिएको सिडिएसले जनाएको छ ।
नेप्से संचालक समितिका अध्यक्ष लक्ष्मण न्यौपाने, संचालक समितिका सदस्य लक्ष्मी प्रसाद महर्जन, नेप्सेका प्रमुख कार्यकारी अधिकृत तथा सिडिएससिका अध्यक्ष चन्द्र सिंह साउद र सिडिएससिका प्रमुख कार्यकारी अधिकृत पूर्ण प्रसाद आचार्यले कार्यक्रमलाई सम्बोधन गर्दै लगानीकर्ताहरुले राखेको जिज्ञाशा तथा प्रश्नहरुको जवाफ दिएका थिए ।
कार्यक्रममा नेप्सेको अनलाईन सिस्टम सम्बन्धी विस्तृत जानकारी दिनुका साथै सिडिएससिको राफसाफ सेवा, मेरो शेयरको प्रयोग तथा अन्य सेवा सम्बन्धी कार्यपत्र प्रस्तुत गरिएको थियो । लगानीकर्ताहरुले क्षेत्रिय रुपमा ब्रोकरहरुको शाखा खोल्न माग गरेका थिए ।
कार्यक्रमको सह आयोजकको रुपमा स्थानीय शाखा रहेका ब्रोकर नं १६, ५८, ३७ र ५४ तथा नेपाल पँुजी बजार लगानीकर्ता संघ रहेका थिए ।
