एनसीसी बैंक Nepal Credit & Commerce Bank Limited ले आज चैत्र १३ गतेदेखि ऋणपत्रको बिक्रि खुला गरेको छ। कम्पनीले ३ अर्ब बराबरको ३० लाख कित्ता ऋणपत्र निष्काशन गरेको हो ।
जस मध्ये १८ लाख कित्ताले हुन आउने १ अर्ब ८० करोड बराबरको ऋणपत्र विभिन्न व्यक्ति तथा संघ संस्थालाई व्यक्तिगत तबरबाट बिक्रि गरिने र बाँकि १२ लाख कित्ता अर्थात् १ अर्ब २० करोड बराबरको ऋणपत्र सर्बसाधारणलाई बिक्रि हुने छ । सर्बसाधारणलाई छुट्याईएको मध्ये ५ प्रतिशत अर्थात् ६० हजार कित्ता सामुहिक लगानी कोषको लागि सुरक्षित गरिएको छ । यस हिसाबमा लगानीकर्ताले १ लाख ४० हजार कित्ताको लागि आवेदन दिन सक्ने छन् ।
आवेदन दिँदा न्युनतम २५ कित्ता र अधिकतम ३ लाख कित्ताको लागि दिन सकिने छ । लगानीकर्ताले छिटोमा चैत्र १८ गतेसम्म र सो समयसम्ममा पर्याप्त आवेदन नपरेमा चैत्र २७ गतेसम्म आवेदन दिन सक्ने छन् ।
१० वर्षे अवधिको यस ऋणपत्रमा बैंकले वार्षिक ९.५ प्रतिशत ब्याज प्रदान गर्ने जनाएको छ। ऋणपत्र निष्काशनको लागि नबिल इन्भेष्टमेन्ट बिक्रि प्रबन्धक रहेको छ ।