ज्योति लाईफ इन्स्योरेन्सको शेयर रजिष्ट्रारमा एन आई सी एशिया क्यापिटल नियुक्त भएको छ । यस संगै ज्योति लाइफको धितोपत्र कारोबार सम्बन्धी अभिलेख राख्ने, दाखिल खारेज, नामसारी, रोक्का राख्ने लगायतका शेयरवालाहरुको लगत अद्यावधिक गरी राख्ने सम्बन्धी सम्पूर्ण कार्य एन आई सी एशिया क्यापिटले गर्ने छ ।
दुई संस्थाबीच आज मंगलबार यस सम्बन्धी सम्झौता भएको हो।
ज्योति लाइफले हालै मात्र १०० अंकित दरका ६६ करोड बराबरको ६६ लाख कित्ता शेयर निष्काशन गरेको थियो । आइपिओ बिक्रि तथा वितरण पश्चात कम्पनीको चुक्ता पुंजी २ अर्ब २० करोड पुग्नेछ । कम्पनीको शेयर नेप्सेमा सुचिकृत हुने क्रममा रहेको छ । शेयर सुचिकृत भएपछि लगानीकर्ताले कारोबार गर्न सकने छन् ।