आज बुधबार शेयर कारोबारको लागि प्रयोग भईरहेको टिएमएसमा समस्या देखिएको छ। कारोबार सुरु भएको करिब १ घण्टापछि टिएमएसमा समस्या देखिएको हो ।
आज टिएमएसमा हालेको अर्डर नदेखिने समस्या देखिएको हो । आफुले हालेको अर्डर नदेखाएपछि लगानीकर्ताले पटक पटक अर्डर हालेका छन् । तर कतिपय ब्रोकरहरुले लगानीकर्तालाई अर्डर प्लेस गर्दा समस्या देखिएकोले दोहोर्याएर अर्डर नहाल्न आग्रह गरेका छन् ।
अर्डर नदेखिने समस्या आएपनि कारोबार भने सुचारु नै छ । यसबारेमा नेप्सेले भने केहि जानकारी दिएको छैन ।
टिएमएसमा पटक पटक समस्या आउने गरेको छ । विशेषगरि बजार बढेको बेलामा समस्या देखिने भएकोले लगानीकर्ताले बजार घटाउनको लागि टिएमएस बिगारेर नियोजित रुपमा चलखेल भएको आरोप लगाउने गरेका छन् ।
