शेयर कारोबारको लागि प्रयोग भईरहेको टिएमएसमा समस्या समाधान भएको छ । नेपाल स्टक एक्सचेन्ज नेप्सेले समस्या समाधान भएर कारोबार सुरु भएको जनाएको हो ।
समस्या देखिएको झन्डै डेढ घण्टापछि समस्या समाधान भएको हो । ब्रोकर डिएनए बन्द भएर समस्या देखिएको नेप्सेले जनाएको छ ।
समस्या आएको कारण कारोबार रोकिएपछि नेप्सेले कारोबार समय थप गरेको छ । नेप्सेले कारोबार समय १ घण्टा थप गर्दै आज ४ बजेसम्म कारोबार हुने उल्लेख गरेको छ ।
सुरुमा टिएमएसमा हालेको अर्डर नदेखिने समस्या देखिएकोमा पछि टिएमएस नै खुल्न छोडेको थियो । समस्या आउनु अगाडी हालिएका अर्डरहरु अहिले देखिएका छन् ।
टिएमएसमा पटक पटक समस्या आउने गरेको छ । विशेषगरि बजार बढेको बेलामा समस्या देखिने भएकोले लगानीकर्ताले बजार घटाउनको लागि टिएमएस बिगारेर नियोजित रुपमा चलखेल भएको आरोप लगाउने गरेका छन् ।
