नेपालमा डिम्याट खाताको संख्या ३३ लाख नाघेको छ । सिडीएससीको आज सोमबारसम्मको तथ्यांक अनुसार नेपालमा डिम्याटको संख्या ३३ लाख ५३ हजार ५९ पुगेको छ ।
एक महिनाको अवधिमा ३ लाखले डिम्याट खाता खोलेका छन् । फागुन १९ गते डिम्याट खाताको संख्या ३० लाख ४१ हजार रहेको थियो। आज चैत्र २३ गतेसम्म आईपुग्दा डिम्याट खाताको संख्या ३३ लाख ५३ हजार नाघेको हो ।
विशेषगरि नेपाल इन्फ्रास्ट्रकचर बैंकले निष्काशन गर्ने आईपिओमा आवेदन दिनको लागि डिम्याट खाता खोल्नेको संख्या अत्याधिक बढेको थियो । तर निफ्राको आईपिओ बिक्रि बन्द भएपछि पनि डिम्याट खाता खोल्नेको संख्या बढ्दो छ ।
