आज सोमबार पनि शेयरबजार परिसुचक नेप्से दोहोरो अंकले घटेको छ । आज नेप्से परिसूचक ३७.५८ अंकले घटेर २६६१.९३ को बिन्दुमा पुगेको छ ।
अघिल्लो दिनको तुलनामा आज कारोबार रकम पनि घटेको छ । आज ६ अर्ब ७६ करोड ६८ लाख १ हजार २ सय २४ रूपैयाँ बराबरको कारोबार भएको छ । आज कारोबारमा आएका २१३ कम्पनीको १ करोड ४२ लाख ७ सय ६८ कित्ता शेयर खरिद बिक्रिबाट यो रकम बराबरको कारोबार भएको हो ।
बजार फराकिलो रूपमा घटेपनि महिला लघुवित्त, ज्योति लाइफ इन्स्योरेन्सको सेयर मूल्य भने ९ प्रतिशतभन्दा धेरैले बढेको छ । कारोबारमा आएका मध्य हाइड्रो पावर र फाइनान्स बाहेक सबैको समुहगत सुचक घटेको छ ।
आज चन्द्रागिरीको शेयर मूल्य भनेसर्वाधिक ९.५१ प्रतिशतले घटेको छ । कम्पनीले आज सार्वजनिक गरेको चालु आर्थिक वर्षको तेस्रो त्रैमासको रिपोर्टमा कम्पनीको अधिकांश वित्तीय सूचक खराब देखिएपछि कम्पनीको शेयर मूल्य घटेको हो ।