.gif)
चालु आर्थिक वर्षको तेस्रो त्रैमासमा रिलायन्स फाइनान्सको खुद नाफा ३७.३० प्रतिशतले बढेको छ । अघिल्लो आर्थिक वर्षको सोहि अवधिमा कम्पनीले ६ करोड ३२ लाख खुद नाफा कमाएकोमा चालु आर्थिक वर्षको तेस्रो त्रैमाससम्ममा कम्पनीको नाफा बढेर ८ करोड ६८ लाख पुगेको हो ।
यस अवधिमा कम्पनीको अन्य संचालन आम्दानी ३९ लाख रुपैयाँबाट बढेर १३ करोड ६८ लाख रुपैयाँ पुगेको छ। अन्य संचालन आम्दानी ह्वात्तै बढेपछि नाफामा सुधार भएको हो ।
यस अवधिमा कम्पनी खुद ब्याज आम्दानी भने ३३.०६ प्रतिशतले घटेको छ । कम्पनीको खुद ब्याज आम्दानी १६ करोड १ लाखबाट घटेर १० करोड ७१ लाख कायम भएको छ ।
समिक्षा अवधिमा कम्पनीको निक्षेप १८.४५ प्रतिशतले बढेर ५ अर्ब ७७ करोड पुगेको छ भने कर्जा प्रवाह १६.३९ प्रतिशतले बढेर ४ अर्ब १९ करोड पुगेको छ । ८३ करोड २४ लाख चुक्ता पुँजी भएको कम्पनीको रिजर्भमा ४६ करोड ५ लाख रहेको छ ।
कम्पनीको खराब कर्जा २.६३ प्रतिशतबाट घटेर १.८८ प्रतिशत पुगेको छ भने कम्पनीको प्रति शेयर आम्दानी १३.९१ रुपैयाँ र प्रति शेयर नेटवर्थ १५५.३२ रुपैयाँ रहेको छ ।
