चालु आर्थिक वर्षको तेस्रो त्रैमासमा प्रभु बैंक Prabhu Bank Limited को खुद नाफा ४४.०८ प्रतिशतले बढेको छ । अघिल्लो आर्थिक वर्षको सोहि अवधिमा बैंकको नाफा १ अर्ब ४६ करोड रहेकोमा चालु आर्थिक वर्षको तेस्रो त्रैमाससम्ममा बैंकको नाफा बढेर २ अर्ब १० करोड पुगेको हो ।
यस अवधिमा बैंकको वितरणयोग्य मुनाफा १ अर्ब ५९ करोड रहेको छ । बैंकको संचालन आम्दानी १५.३९ प्रतिशतले तथा संचालन मुनाफा ४६.८५ प्रतिशतले बढेको छ । बैंकक फि तथा कमिशन आम्दानी ४२.०७ प्रतिशतले बढेको छ । बैंकको खुद ब्याज आम्दानी ६.६० प्रतिशतले बढेर ३ अर्ब ८३ करोड पुगेको छ ।
समिक्षा अवधिमा बैंकको निक्षेप संकलन २७.२२ प्रतिशतले बढेर १ खर्ब ६३ अर्ब पुगेको छ भने कर्जा प्रवाह ३५.१२ प्रतिशतले बढेर १ खर्ब ३४ अर्ब पुगेको छ । कम्पनीको खराब कर्जा २.९५ प्रतिशतबाट घटेर १.४८ प्रतिशत कायम भएको छ ।
११ अर्ब ३४ करोड चुक्ता पुँजी रहेको बैंकको रिजर्भमा ५ अर्ब ९९ करोड रहेको छ । बैंकको प्रति शेयर आम्दाबी २४.७९ रुपैयाँ रहेको छ भने प्रति शेयर नेटवर्थ १५२.८६ रुपैयाँ रहेको छ ।