चालु आर्थिक वर्षको तेस्रो त्रैमासमा ग्लोबल आईएमई बैंक Global IME Bank Limited को खुद नाफा ३२.४० प्रतिशतले बढेको छ । अघिल्लो आर्थिक वर्षको सोहि अवधिसम्ममा बैंकले २ अर्ब ७० करोड खुद नाफा कमाएकोमा चालु आर्थिक वर्षको तेस्रो त्रैमाससम्म आईपुग्दा बैंकको नाफा बढेर ३ अर्ब ५७ करोड पुगेको हो । यस अवधिमा बैंकको वितरणयोग्य मुनाफा २ अर्ब ५६ करोड रहेको छ ।
यस अवधिमा बैंकको खुद ब्याज आम्दानी १४.४४ प्रतिशतले बढेर ६ अर्ब ८७ करोड पुगेको छ । समिक्षा अवधिमा बैंकको निक्षेप १५.०६ प्रतिशतले बढेर २ खर्ब ४४ अर्ब पुगेको छ भने कर्जा प्रवाह १७.११ प्रतिशतले बढेर २ खर्ब २२ अर्ब पुगेको छ । बैंकको खराब कर्जा १.१४ प्रतिशतबाट बढेर १.६१ प्रतिशत पुगेको छ । २१ अर्ब ६३ करोड चुक्ता पुँजी भएको बैंकको रिजर्भमा १० अर्ब ५८ करोड रहेको छ ।
बैंकको प्रति शेयर आम्दानी २२.०५ रुपैयाँ रहेको छ भने प्रति शेयर नेटवर्थ १४८.७२ रुपैयाँ रहेको छ ।
