सरकारले सिडीएस एण्ड क्लियारिङ लिमिटेडबाट नेपाल स्टक एक्सचेन्ज नेप्सेको लगानी झिक्नेबारे छलफल सुरु गरेको छ। अर्थ मन्त्रालयले नेप्सेको लगानी घटाएर मन्त्रालयबाट नै लगानी गर्ने गरि छलफल सुरु गरेको हो ।
मन्त्रालय स्रोतका अनुसार आगामी आर्थिक वर्षको बजेटमा नै यसबारे ब्यबस्था हुने छ । हाल सिडीएसमा नेप्से कै शतप्रतिशत लगानी रहेको छ। सिडीएसको पुनर्संरचना गर्दा नेप्सेको लगानी पुरै झिक्ने वा घटाउने र अर्थ मन्त्रालयले लगानी गर्ने सम्भावना रहेको स्रोतले जनाएको छ । त्यस्तै सिडीएसमा रणनीतिक साझेदार ल्याउने बाटो पनि खुला राखिने भएको छ ।
चालु आर्थिक वर्षको वार्षिक बजेटमा पनि नेप्से र सिडीएसको पुनर्संरचना गर्ने विषय उल्लेख भएको थियो । सोहि अनुसार नेप्सेले पुनर्संरचनाको लागि मन्त्रालयमा विभिन्न मोडल प्रस्ताव गरिसकेको छ । सिडीएसले भने डिडिए गरेपछि मात्र पुनर्संरचना प्रस्ताव गरिने जनाएको छ । सिडीएसले प्रस्ताव पठाउनु अगाडी नै यस बारे मन्त्रालयबाट नै निर्णय हुने सम्भावना बढेको हो ।
सेयरबजार तथा सेयर लगानीकर्तासँग सम्बन्धित धेरै कामहरु प्रत्यक्ष रुपमा सिडीएससँग जोडिएको तर संचालक समिति देखि अन्य बिषयमा समेत नेप्सेको हस्तक्षेप रहेकाले पनि यसलाई अलग्गै र बलियो संस्था बनाएर अगाडी बढ्नुपर्ने निस्कर्षका साथ सरकारले बजेटमा यस्तो व्यवस्था गर्न लागेको स्रोतको भनाई छ ।
