ब्रोकर नम्बर ३४ भिजन सेक्युरिटीजले थप २ शाखा खोल्ने स्वीकृति पाएको छ । कम्पनीले तनहुँको दमौलीमा र म्याग्दीको वेनीमा शाखा संचालन गर्न नेपाल धितोपत्र बोर्डबाट अनुमति पाएको हो ।
कम्पनीको यस अघि नै रुपन्देहीको भैरहवा र काभ्रेको बनेपामा शाखा संचालनमा छन् । गत बैशाख ५ गतेबाट कम्पनीले नवलपुरको कावासोतीमा समेत शाखा उद्घाटन गरेको थियो ।
अनुमति पाएका २ शाखा संचालनमा आएसंगै कम्पनीको ५ वटा शाखा हुने छ । त्यस संगै भिजन सेक्युरिटिज सबै भन्दा धेरै शाखा भएको ब्रोकर कम्पनी बन्ने छ ।
