.gif)
नेपाल स्टक एक्सचेन्ज नेप्सेमा प्रभु इन्स्योरेन्स Prabhu Insurance Company को शेयर मूल्य समायोजन भएको छ । कम्पनीको १० प्रतिशत बोनसमा मूल्य समायोजन भएको हो ।
समायोजनपछि कम्पनीको शेयर मूल्य ८८४ रुपैयाँ कायम भएको छ । समायोजन अघि कम्पनीको शेयर मूल्य ९७२ थियो ।
कम्पनीले साधारणसभा प्रयोजनको लागि बैशाख २६ देखि जेठ ६ गत्तेसम्म बुक क्लोज गर्ने निर्णय गरेकोले बैशाख २३ गतेसम्म कायम शेयरधनीले मात्र सभामा भाग लिन र प्रस्तावित लाभांश पाउन सक्ने छन् ।
कम्पनीले जेठ ६ गते बिहिबार तिनकुने स्थित आफ्नै केन्द्रिय कार्यालयमा सभा आह्वान गरेको छ । सभामा लाभांश सहितका विभिन्न प्रस्ताव पेश हुने छन्। कम्पनीको माघ २९ गते बसेको संचालक समितिको बैठकले आर्थिक वर्ष ७६/७७ को लागि हाल कायम चुक्ता पुँजीको १० प्रतिशतल हुन आउने १० करोड ५६ लाख २७ हजार ४ सय ८४ रुपैयाँ बराबरको बोनस शेयर र ०.५३ प्रतिशतले हुन आउने ५५ लाख ५९ हजार ३ सय ४१ रुपैयाँ बराबरको नगद लाभांश गरि कुल १०.५३ प्रतिशत लाभांश वितरण गर्ने प्रस्ताव गरेको छ । कम्पनीको साधारणसभाले पारित गरेपछि उक्त लाभांश लगानीकर्तामा बितरण हुने छ ।
त्यस्तै सभामा सभामा आर्थिक वर्ष ७६/७७ को वार्षिक प्रतिवेदन पेश गर्ने, लेखापरीक्षण प्रतिवेदन सहित अन्य वित्तीय विवरण पेश गर्ने , आर्थिक वर्ष ७७/७८ को लागि लेखापरीक्षक नियुक्त गरि निजको पारिश्रमिक तोक्ने, प्रबन्धपत्र र नियमावलीमा आवश्यक संशोधन गर्ने, नियामक निकायबाट थप संशोधनको लागि निर्देशन आएमा सोहि बमोजिम गर्ने अख्तियारी संचालक समितिलाई दिने, संचालकको भत्ता वृद्धि गर्ने लगायतका प्रस्ताव पेश हुने छन् । त्यस्तै कम्पनीले सामुहिक लगानी कोष योजना संचालन गर्न सक्ने गरि कम्पनीको प्रबन्धपत्रमा उदेश्य थप गर्ने प्रस्ताव साधारणसभामा पेश हुने छ ।
