चालु आर्थिक वर्षको तेस्रो त्रैमासमा नेको ईन्स्योरेन्स Neco Insurance Company को खुद नाफा ४५.५७ प्रतिशतले बढेको छ । अघिल्लो आर्थिक वर्षको सोहि अवधिमा कम्पनिले २४ करोड १० लाख खुद नाफा कमाएकोमा चालु आर्थिक वर्षको तेस्रो त्रैमासमा कम्पनिकोे खुद नाफा बढेर ३५ करोड ९ लाख पुगेको हो ।
त्यस्तै कम्पनिको लगानी ऋण र अन्यको आय ६०.९९ प्रतिशतले बढेर ११ करोड १ लाख पुगेको छ । कम्पनिको ईन्स्योरेन्स फण्डमा १ अर्ब पुँजी रहेको छ । त्यस्तै कम्पनिले महा विपत्ति जगेडा कोषमा ९ करोड ६८ लाख रुपैँया राखेको छ भने पुनर्बिमा कमिसन आय १६ करोड ४७ लाख रहेको छ
१ अर्ब ३१ करोड ७४ लाख चुक्ता पुँजी रहेको कम्पनिको रिजर्भमा ६८ करोड २३ लाख रहेको छ । यस अवधिमा कम्पनिको प्रति शेयर आम्दानी २४.४० बाट बढेर ३५.४२ रुपैयाँमा पुगेको छ भने प्रति शेयर नेटवर्थ १९३.२१ बाट बढेर २३५.५९ रुपैयाँमा पुगेको छ ।
