एक्सेल डेभलमेन्ट बैंक Excel Development Bank Limited को लाभांश स्वीकृत भएको छ। कम्पनीले प्रस्ताव गरेको लाभांश नेपाल राष्ट्र बैंकले बैशाख २८ गते स्वीकृत गरेको कम्पनीले जनाएको छ ।
कम्पनीले आर्थिक वर्ष ७६/७७ को मुनाफाबाट हाल कायम चुक्ता पुँजीको १२ प्रतिशतले हुन आउने ९ करोड ७३ लाख ३४ हजार ५ सय ४६ रुपैयाँ ९७ पैसा बराबरको बोनस शेयर र कर प्रयोजनको लागि ०.६३ प्रतिशतले हुन आउने ५१ लाख २२ हजार ८ सय ७० रुपैयाँ ८९ पैसा नगद लाभांश गरि कुल १२.६३ प्रतिशत लाभांश वितरण गर्ने प्रस्ताव गरेको थियो । सोहि लाभांश राष्ट्र बैंकले स्वीकृत गरेको हो ।
राष्ट्र बैंकले स्वीकृति प्रदान गरेसंगै कम्पनीको आगामी साधारणसभाले पारित गरेपछि उक्त लाभांश लगानीकर्तामा बितरण हुने छ । हाल कम्पनीको चुक्ता पुँजी ८१ करोड ११ लाख २१ हजार २ सय २४ रुपैयाँ ७२ पैसा रहेको छ।